Mir befinde üs im Jahr 50. v. Chr. Ganz Gallie isch vo dä Römer bsetzt – ganz Gallie? Nei!
Es Dorf vo unbeugsame Gallier hört nid uf, Widerstand z leiste. Si mache dä Römer i dä umliegende befestigte Lager Biglum, Bowilum, Signaum und Zäziwilum z Läbä schwär.
Zämä mit Asterix & Obelix wei mir ä Wuche i däm Dorf verbringe und usefinde,
was z Gheimnis vo ihrem Durchhaltewille isch!
Was git dir Zueversicht, we du in Bedrängnis gratisch?
Chumm mit, Zämä wei mirs entdeckä!
Z Lager wird als Zämearbeit vo dr Jungschi Graduus (Steffisburg) und dr Jugendarbeit Linge düregfüehrt.
Wär: Aui wo nach August 2024 die 4. – 9. Klass bsueche.
Wo: Oberthal BE
Chöste: 150.- (130.- für jedes witere Chind pro Familie)
Amäudeschluss isch dr 16. Juni 2024
Bi Frage darfsch di gärn bi üs mäude! Kontaktpersone findsch, wed witer abe scrollsch!
